30-வாய்மை

                             30-வாய்மை

291-வாய்மை எனப்படுவது யாதெனின் யாதொன்றும்

   தீமை இலாத சொலால்.

வாய்மை என்பது சொல் தவாறாமை.அந்த வாய்ச்சொல் பிற உயிருக்கு தீங்கு விளைவிக்க கூடாது.இது தேவை.

                           

292-பொய்மையும் வாய்மை யிடத்து புரைதீர்ந்த

    நன்மை பயக்கும் எனின்.

பொய் என்றாலே அது ஒரு உண்மையை மறைத்து புலர்வது.ஆனால் பிறருக்கு நன்மை பயக்கும் எனில் உண்மையை மறைக்கலாம்.இது தேவை.

293-தன்னெஞ் சறிவது பொய்யற்க பொய்த்தபின்

   தன்னெஞ்சே தன்னைச் சுடும்.

ஒருவன் நெஞ்சம் பொய்யுரைக்காது.தனக்கு நன்மை பயக்க வேண்டி பொய் சொன்னால் பின்னாளில் அதுவே அவன் மனதை வருத்தும்.இது உண்மை,தேவை.

294-உள்ளத்தால் பொய்யா தொழுகின் உலகத்தார்

   உள்ளத்து ளெல்லாம் உளன்.

தன்னெஞ்சம் உணர்த்துவது போல் உண்மையாக நடப்பாரேயானால் அவர் உலக்த்தார் உள்ளமெல்லாம் நிறைந்திருப்பார்.இது தேவை.

295-மனத்தொடு வாய்மை மொழியின் தவத்தொடு

   தானஞ்செய் வாரின் தலை .

மனமறிந்து ஒருவர்  உண்மை பேசுபவரே தானமும் தவமும் செய்பவரைவிட சிறந்தவர்.இது தேவை

296-பொய்யாமை அன்ன புகழில்லை எய்யாமை

   எல்லா அறமும் தரும்.

பொய்யற்ற வாழ்க்கை ஒருவர் வாழ்ந்தாலேஅவரை அறியாமலே அவருக்கு எல்லா அறமும் பயக்கும்.இது தேவை .

                       

297-பொய்யாமை பொய்யாமை ஆற்றின் அறம்பிற

        செய்யாமை செய்யாமை நன்று.

பொய் சொல்லாமல் வாழ்ந்தாலே போதும், அவன் பிற தர்மங்களை செய்யாமல் விட்டாலும் நல்லதுதான். இது தேவை.

298-புறந்தூய்மை நீரான் அமையும் அகத்தூய்மை

      வாய்மையால் காணப் படும்.

நீரால் உடலை தூய்மையாக வைத்துக்கொள்வது போல்,  உண்மை பேசுவதின் மூலம் மனதை சுத்தமாக வைத்துக்கொள்ளலாம்.இது தேவை.

299-எல்லா விளக்கும் விளக்கல்ல சான்றோர்க்குப்

      பொய்யா விளக்கே விளக்கு.

புற இருளை நீக்குவது விளக்கு,பொய் பேசாமல் இருப்பதே சான்றோர்க்கு அக இருளை  நீக்கும் விளக்கு.இது தேவை.

300-யாமெய்யா கண்டவற்றுள் இல்லை எனைத்தொன்றும்

      வாய்மையின் நல்ல பிற

நான் (குறளை எழுதியவர்) கண்டவற்றுள் பொய் பேசாமல் வாழும் வாழ்க்கையை விட சிறந்தது இல்லை.இது தேவை.

‘வாய்மை’  அதிகாரத்தின் பத்துக் குறட்களும் அற வாழ்க்கை வாழ விரும்பும்  மாணவர்களுக்கு தேவை.