முரட்டுத் தமிழர்களுக்கு முன்னேற்றமே கிடையாதா?

            முரட்டுத் தமிழர்களுக்கு முன்னேற்றமே கிடையாதா?

சமிபத்தில் இந்திய உச்ச நீதி மன்றம், தமிழ் நாட்டில் வெகுநாட்களாக நடைபெற்றுவரும் சல்லிக்கட்டுக் காளை அடக்கும் போட்டியை தடை செய்துள்ளது.

தமிழர்கள் வீர விளையாட்டு என்று சொல்லி முரட்டுத்தனத்திற்கு வீரம் என்று புகழுரை கொடுத்து காலமெல்லாம் சுயமாக சிந்தனை செய்யவிடாமல்  தமிழர்களை முட்டாட்களாக்கி வந்த அரசியல் வாதிகளுக்கு ஒரு பெரிய மண்டையடி கொடுத்துள்ளது. 

குழந்தைகளுக்கு மருந்து கொடுக்கும் தாயைப்பார்த்து மிரண்டு ஓடும். தாய்மீது வெறுப்புக் கொள்ளும். அந்த குழந்தைகளின் மன நிலையில்த்தான் இன்று தமிழர்கள் இருக்கின்றனர்.இவர்களை வழி நடத்திச்செல்ல இதுவரை ஒரு தலைவன் கூட அமையவில்லை.

உலகத்தில் தோன்றிய எத்தனையோ மனித இனங்கள் தோன்றி அழிந்துவிட்டது.தமிழைப் பேசுவதால் மட்டுமே தமிழ் இனம் ஏதோ வாழ்ந்து கொண்டிருக்கிறது. தமிழர்கள், மேற்கத்திய நாடுகளில் இருந்து இந்தியாவிற்கு வந்த வெள்ளையின மக்களிடம் அடிமைப்பட்டு 3000-ம் ஆண்டுகளாகிவிட்டது.அன்றாட வாழ்க்கையில் அறிவியியலைப் பயன்படுத்தாத இனம் தமிழினம்.அதனல்தான் தன் முரட்டு குணங்களால் மற்ற இனங்களிடம் அடிமைப்பட்டு இருக்கின்றது.

முரட்டு மனிதர்களை அடிமைப்படுத்த பயன் படுத்தப்பட்ட வார்த்தைதான் வீரம் .வீரன் எனும் புகழ் வார்த்தையில் மயங்கி அதை அடைவதற்காக வாழ்க்கையை வீணாக்கிக் கொண்ட உலகத்தின் முரட்டு மனிதர்களில் தமிழர்கள் முந்தி நிற்கின்றனர்.இதற்கு ராமயண கதா பாத்திரங்கள் முதல் எடுத்துக்காட்டு.

மனிதனுக்கு உடல் பலம் முக்கியம்தான்,அதைவிட மூளை பலம் முக்கியம் என்பதை தமிழர்களுக்கு உணர்த்த இங்கு தலைவர்கள் இல்லை.அப்படி அவ்வளவு சீக்கிரம் தமிழர்களை விவேகமுள்ள மனிதர்களாக மாற்றிவிடுவோமா என்ன? என்று அனைத்து அரசியல் தலைவர்களும் தடை செய்யப்பட்ட சல்லிக்கட்டை மீண்டும் அனுமதிக்க வேண்டும் என அடம்பிடிக்கின்றனர்.

வாழும் கலையை சொல்லித்தருகிறேன் என சொல்லி உழைப்பாளிகளின் பணத்தை சுரண்டும் இயக்கங்கள் தான் இருக்கின்றன.தமிழர்கள் வாழ்க்கைத் தரத்தை உயர்த்த எந்த இயக்கமும் இல்லை.ஏழாம் அறிவு இயக்கம் மட்டுமே அதற்காக இலவசமாக இயங்குகிறது .இலவச பொருட்களை அடைய நினைக்கும் உழைப்பாளி சமுதாயம் ,பணத்தை எவ்வாறு மிச்சப்படுத்தி எவ்வாறு சேமிப்பு செய்வது என இலவசமாக சொல்லித்தரும் ஏழாம் அறிவு இயக்கத்தை மக்கள் பயன்படுத்திக் கொள்ள வேண்டும்.

முதலில் வீரவிளையாட்டுக்களை தடை செய்யப் படவேண்டும்.அவர்களுக்கு பரிசளிக்கிறேன் என மயக்கும் இயக்கங்களை தடை செய்யப் படவேண்டும்.பள்ளி கல்லூரிகளில் அறிவார்ந்த பயிற்சிகளை அரசு ஊக்குவிக்க வேண்டும்.இதற்கு அரசியல் தலைவர்கள் பாடுபடவேண்டும்.அப்பொழுதுதான் அமைதியான,அறிவார்ந்த தமிழ் சமுதாயத்தை நாம் காணமுடியும். 

இதுவரை பரிசு பெற்ற விளையாட்டு வீரர்கள் தன் பிள்ளைகளை பெரிய படிப்பாளியாக்கி இருக்கின்றனரா? விளையாட்டில் வெற்றி பெற்றவர்கள் எத்தனைபேர் வாழ்க்கையில் வெற்றி பெற்றவர்கள் என பட்டியலிடமுடியுமா?  சல்லிக்கட்டில் மாட்டை அடக்கி விட்டால் மனிதன் அறிவியல் சிந்தனையை எட்ட முடியுமா? எங்கே போகிறது தமிழகம். ஏன் இந்த அடம்?தமிழ் நாட்டின் அரசியல் தலைவர்கள் நவீன சிநதனைக்கு மாறுவது எப்போது?

மனிதனை மனிதன் ஏன் சுமக்க வேண்டும்?

                    ஏழாம் அறிவு இயக்கம்

           (Visit: www.thiru-rationalism,blogspot.in)

  (இது ஒரு பகுத்தறிவாத இயக்கம்-கடவுள் மறுப்பு இயக்கமல்ல)

               நிறுவனர்:  படைவீடு திருவேங்கடம்

தலைமையகம்,4-பெரியார் தெரு,கண்ணதாசன் நகர்,திருவள்ளூர்-602001

         உலகைப் படைத்தது கடவுளாகவே இருக்கட்டும்

அதைப்பூட்டி வைத்து பூஜை செய்தால் உன் பேச்சைக் கேட்குமா?

பெறுநர்                                                                     11.05.2014

                பொது தகவல் அலுவலர் ,கோயில் நிர்வாகம்

               வைத்திய வீர ராகவா கோயில்

               தேவஸ்த்தானம்-திருவள்ளூர்-602001.

(தகவல் உரிமைச்சட்டம் 2005-ன் கீழ் தகவல் கோரி விண்ணப்பம்)

அய்யா,      பொருள்: வீர ராகவர் வீதி உலா-பல்லக்கில் சுவாமியோடு

                           4-5பிராமணர்களை சுமக்கும் மனிதர்கள்.சுமக்க

                           முடியாமல் திணரல்-மனித உரிமை மீறல் குறித்து

திருவள்ளூரில் இப்பொழுது வீர ராகவர் கோயில் பிரம்மோற்சவம் நடக்கும் காலம்.சுவாமி ,பல்லக்கில் வீதி உலா வரும் நேரம். மனிதர்கள் சுவாமியை பல்லக்கில் சுமந்து வந்தனர். அதே  பல்லக்கில் சுவாமி சிலை சுற்றி 4 அல்லது 5 பிராமணர்கள் அமர்ந்து ஒருவர் சாமிக்கு சாமரம் வீசுவதும் மற்ற நான்கு பிராமணர்களும் உறங்கிக்கொண்டு வருவதை நான் பார்த்தேன்(நாள்-08.05.14,காலை 8.30 மணி,வடக்கு ராசவீதி)

சுவாமியை மனிதன் பல்லக்கில் சுமக்கட்டும் தவறில்லை,ஆனால் மனிதர்கள் தூக்கமுடியாமல் சுமந்து வரும் அதே பல்லக்கில் நான்கைந்து பிராமணர்கள் சுகமாக அமர்ந்து வருவது எந்த வகையில் நியாயம்? அப்படி சுமக்க    வேண்டும் என கோயில் நிர்வாகத்தின் உத்தரவா? அல்லது தமிழ் நாடு அரசின் அறநிலையத் துறையின் உத்தரவா? அல்லது அகோபில மடத்தின் உத்தரவா? அப்படி இருந்தால் ஆணையின் நகலை எனக்கு அனுப்பும் படி வேண்டுகிறேன்.

மனிதன் மலத்தை மனிதன் சுமப்பது தடைசெய்யப்பட்டுள்ளது. அவ்வாறு செய்வது குற்றம் என உத்தரவிடப்பட்டுள்ளது.அதுமட்டுமல்ல அது மனித உரிமை மீறல் ஆகும்.                                              
அப்படி இருக்க, மலத்துடன் இருக்கும் மனிதர்களை, மனிதர்கள் சுமக்கலாமா? இது மனித உரிமை மீறல் ஆகாதா?

இது குறித்து மேற்கண்ட முகவரிக்கு தகுந்த தகவல் அளிக்கும்படி தகவல் உரிமைச்சட்டம்,2005 ன் கீழ் தங்களை வேண்டுகிறேன்.    

வணக்கம்

                                                           இவண்

                                                 புதுமுறைச் சிந்தனைச் சிற்பி

                                                படைவீடு திருவேங்கடம்

                           இது குறித்து உதவி   அறநிலையத்துறை ஆணையருக்கு(வேலூர்) மேல் முறையீடு செய்தேன்,அவர் அனுப்பிய பதில் கீழ் கண்டவாறு,"திரு பாதம் தாங்கிகள் (பல்லக்கு தூக்குவார்கள்)அவர்கள் மனமுவந்து செய்யும் கைங்கர்யாம் அதில் கோயில் நிர்வாகம் தலையிடாது"

             

மழை வேண்டி வருண ஜபம்-கடவுளை ஏமாத்தவா?

                வான் மழை வேண்டி வருண ஜபம்

சிறப்பொடு பூசனை செல்லாது வானம்

வறக்குமேல் வானோர்க்கும் ஈண்டு

தானம் தவம் இரண்டும் தாங்கா வியன்உலகம்

வானம் வழங்கா தெனின்

12 ஆண்டுகளுக்கு ஒருமுறை வானம் பொய்ப்பது வழக்கமாகிவிட்டது. இது ஏன் இப்படி நடக்கிறது என்பது அறிவியலுக்கு உட்படாத விசயமாகவே உள்ளது. வான்மழை தவரா இடத்தில் வளம் கொழிக்கும்.வளம் கொழிக்கும் பூமியில் நாம் வணங்குவதால் தான் வான் மழை பொழிகிறது என  உலகத்தில் எல்லா மதங்களும் சொல்கிறது. காடுகளிலும் கடலிலும் மழைபொழிகிறதே  அங்கே யார் கடவுளை வணங்குகிறார்கள் ?

சரி கடவுளை வணங்கினால்தான் மழை பொழியும் எனில் வணங்காவிட்டால் மழைபொழியக்கூடாது ,அல்லது மழையினால் சேதம் உண்டாகக்கூடாது.இதற்கு கடவுளை வணங்கினால் பரிகாரம் உண்டா?

29.04.2014 தேதியிட்ட (தினமணி) செய்தித்தாளில் தமிழகக் கோயில்களில் அர்ச்சகர்களெல்லாம் கூடி வருண ஜபம் செய்தனர், என செய்தி வெளியிட்டிருந்தனர். இது அரசு உத்தரவாம்.அரசு உத்தரவிட்டு மழை பொழியட்டும்.அதே நேரத்தில் மழையினால் ஏற்படும் சேதத்திற்கு அரசு ஆணையிட்டு மழையை நிறுத்தலாமே?

மழை பொய்த்துவிட்டால் பூசை செல்லாது என முதுபெரும் தமிழ்ப்புலவரின் வாக்கு.அவர்வாக்கு என்றும் பொய்த்ததில்லை. ஆனால் மழை பொய்த்துவிடுகிறது.

இந்த வருண ஜபம் செய்கிறார்களே யாரை சமாதானப்படுத்துவதற்கு?அல்லது யாரை நம்ப வைக்கப் பார்கிறார்கள்?

மழை பொழியவில்லை.பயிர்கள் வாடுகின்றன அல்லது முற்றிலும் அழிந்துவிட்டன.இதற்கு யார்பொருப்பு? இதற்குமட்டும் மனிதன் பொருப்பு.மழைப் பொழிந்து பயிர் செழித்தால் மட்டும் கடவுள் பொருப்பா?

அர்ச்சகர்களுக்கு ஏன் இந்த பசப்பு நாடகம்?    

சுயமாக சிந்திப்பது எப்போது?

உணவுப்பொருட்கள் என்பது விலங்குகளும் ,மனிதர்களும் உயிர்வாழ இயற்கையாகவே இம்மண்ணுலகில் விளைகிறது. விலங்குகள் பச்சையாகவே உண்ணுகின்றன.மனிதர்கள் சிலவற்றை பச்சையாகவும் பல வற்றை வேகவைத்து வாய் ருசிக்கு ஏற்றவாறு சமைத்து உண்கின்றனர்.

உலகில் உள்ள மக்கள் தொகையில் சுமார் 10 சதவிகித நில வாழ் மக்களுக்கு உண்ண உணவு கிடைப்பதில்லை.இவர்கள் யாவரும் வெய்யில் உழைப்பாளிகளே.இவர்களுக்கு உழைக்க தெரியும் திருடத் தெரியாது. இருப்பவரிடம் இருந்து கொள்ளையடிக்கத்தெரியாது.உடல் பலம் அற்றவர்கள்.இவர்கள் உழைப்பை சுரண்டும் நிழலாளிகள், ஒரு நாளுக்கு மூணுவேளை உணவருந்த போதிய ஊதியம் தரமாட்டார்கள்.

சமிபத்தில் ஒரு செய்தி,சென்னை அருகே ஒரு அம்மன் சிலைக்கு 1008 இளநீர் அபிசேகம்  செய்து தங்கள் நேர்திக்கடனை முடித்துக்கொண்டார்கள் என படித்தேன்.           

இளநீர் என்பது மனிதனுக்கு இயற்கை அளித்திட்ட அருமையான ஒரு பாதுகாக்கப்பட்ட மினரல்(தாது) நீர்.மனிதனின் உடல் உருப்புகள் நன்கு இயங்கும் அளவுக்கு தேவைப்படும் சாதாரண குடிநீரைவிட அருமருத்து.தற்பொழுது ஒரு இளநீரின் விலை குறைந்த பட்சம் ரூ20.00 ஆகிறது.அம்மை போன்று தாக்கப்பட்டுள்ள ஏழை நோயாளிகளுக்கு ஒரு இளநீர் வாங்கி தர முடியவில்லை. அம்மனுக்கு (கற்சிலைக்கு) இளநீர் ஊற்றுவதால் யாருக்கு பயன்?

அழும் குழந்தைக்கு பால் கிடைக்காதபோது அதை கற்சிலைக்கு ஊற்றினால் யாருக்கு என்ன பயன் விளையப்போகிறது?

வெய்யிலாளிகளின் வியர்வையில் உழைத்து நிழாலாளிகள் குண்டி கொழுக்கட்டும்.தவறில்லை. ஆனால் கடவுள் மனம் குளிரட்டும் என இளநீர் அபிசேகம் செய்யும் நிழலாளிகள் அம்மனிடம் வாங்கிக்கொண்டது நீரிழிவு நோயைத்தானே?

சுயமாக இவன் சிந்திப்பது எப்போது?   

tamil magan reception text

23.02.2014 அன்று திருவள்ளூரில் பெரியார் விருது பெற்ற எழுத்தாளர் தமிழ் மகனுக்கு, ஏழாம் அறிவு இயக்க நிறுவனர் படைவீடு திருவேங்கடம் வாசித்து அளித்த
வரவேற்புரை
நமது தமிழ் சமுதாயம் இரு பெரும் பிரிவுகளை கொண்டது.பண்பட்ட இலக்கிய சமுதாயம்.இன்னொன்று கரடுமுரடான சமுதாயம். இதனை வேறு வகையில் கூட கூறலாம் ;ஒன்று நாகரிக சமுதாயம் மற்றொன்று காட்டு மிராண்டி(அநாகரிக) சமுதாயம்.

நாகரிக சமுதாயம் இலக்கியங்கள் படைத்தது,மொழி சிறப்பை பாதுகாத்து மற்ற இணை மொழிகளான தெலுங்கு,கன்னடம்,மலையாளம்,ஒரியா போன்ற மொழிகள்,சமத்கிருதத்தோடு இணைந்து உருவாக தமிழ் மூல மொழியாக விளங்கியது.இன்றும் விளங்குகிறது.

உண்மை இலக்கியங்கள் படைத்த தமிழ் சமுதாயம்,சமத்கிருதம் வந்தபின் இறைவனை படைத்து இல்லாததையும் இருப்பது போல் பாவித்து சமய இலக்கியங்கள் ஏராளமாக இயற்றப்பட்டன.அவை சைவ இலக்கியங்கள் எனவும் வைணவ இலக்கியங்கள் எனவும் பெயர் பெற்றன.சைவக் கடவுளுக்கு ஆதி சிவம் என்றும் ஒரு பெயருண்டு; ஆனால் ஆதி வைணவம் என்று ஒன்று இல்லை. காரணம் தமிழ் கண்டது சைவம் மதம் மட்டுமே ஆரியர்கள்,தமிழர்களிடையே சமத்கிருதம் திணித்தது தமிழில் வைணவ மதத்தை பரப்பினர்.

இன்றளவும் பண்பட்ட தமிழ் இலக்கிய சமுதாயம் பிளவு படவே இல்லை.ஆனால் முரண்பட்ட முரட்டு தமிழ் சமுதாயம் பிளவு பட்டு பல மத மற்றும் சாதிகளுக்கு வித்திட்டது.அந்த முரண்பட்ட சமுதாயத்துக்கு வீர பரம்பரை எனவும் கங்கை கொண்டான் கடாரம் வென்றான் எனவும் புகழ் பாடி இலக்கியங்கள் தோன்றின.முரட்டு மன்னர்களுக்கு பாராட்டுகள் குவிந்தன.அன்று மயங்கிய முரட்டு தமிழ் சமுதாயம் இன்னும் தெளியவில்லை.

மனிதர்களை ஆளவேண்டும் என ஆசைப்பட்டவர்கள்,இவர்களுக்கு கல்வி அறிவே இல்லாமல் பார்துக்கொண்டார்கள். இதன் காரணமாக வெய்யில் தமிழ் சமுதாயம் எனவும்,மற்றொன்று நிழல் தமிழ் சமுதாயம் எனவும் உருவாயிற்று. இதைத்தான் நாகரிக மற்றும் அநாகரிக தமிழ் சமுதாயம் என ஆரம்பத்தில் கூறினேன்.

நிழல் தமிழ் சமுதாயம் மானம் காக்கும் தொழிலான ஆடைத்தயாரிப்பு மற்றும் மொழி மானம் காக்கும் இலக்கண இலக்கியத் தயாரிப்பு தொழிலை பார்துக்கொண்டது.
வெய்யில் தமிழ் சமுதாயம் உயிர்காக்கும் விவசாயக்கூலிகளாக,வீடுகட்டும் கூலிகளாக,வாழ்ந்தனர்; இன்றளவும் வாழ்கின்றனர்.
அந்த இரண்டு வகையான சமுதாயத்தை சார்ந்தவர்களும் இங்கே கூடியிருக்கின்றனர்.நான் சாதியம் பேசவில்லை. தமிழில் இறைவழிபாட்டு இலக்கியங்கள் தோன்றியபின்தான் சாதியம் தோன்ற காரணமாயிற்று.

கம்பனுக்குப்பின் ஒரு இலக்கிய காவியம் தோன்றவில்லை என தமிழ் சமுதாயம் ஏங்கிய நேரத்தில் இன்று நம்காலத்து கம்பன் என வருணிக்கப்படும் இங்கே இந்த விழாவுக்கு தலைமை ஏற்க இசைவு தந்திருக்கும் முத்தமிழ் புலவர்,
இளய பல்லவன் கருணாகரத் தொண்டைமான் எனும் காபியத்தை இயற்றியவருமான திரு செம்மங்குடி துரையரசன் முரட்டு தமிழ் சமுதாயத்தின் வழித்தோன்றல்.பரணி பாடப்பட்ட கருணாகரனின் வாரிசு.
பண்பட்ட தமிழ் சமுதாயத்தின் 19-ம் நூற்றாண்டின் தன்னிகரற்ற புலவரும் மனோன்மணியம் இயற்றிய சுந்தரம் பிள்ளை மற்றும் 20-ம் நூற்றாண்டின் பகுத்தறிவு சிந்தனைக் கவியின் வழித்தோன்றல்கள்,ஏகலைவன் வம்சா வழியினராக வந்துள்ள தமிழ்மகனைப் பாராட்ட இங்கே வீற்றிருப்பது இந்த விழாவுக்கு இன்னொரு சிறப்பு.
அப்படி அந்த முரட்டு சமுதாயத்துக்கு சொந்தக்காரரான திரு தமிழ் மகன் எம் சொந்தம் என்பதில் எண்ணி பெருமகிழ்ச்சி அடைகிறேன் .பண்பட்ட தமிழ் இலக்கியத்தின் குஞ்சுகாளன சிறுகதை மற்றும் நெடுங்கதைகளை இயற்றி வருகிறார்.சிறு மற்றும் நெடுங்கதைகளை பாமர இலக்கியம் என்றே கூறலாம்.
எழுத்தாளர் தமிழ் மகன் வெய்யில் தமிழ் சமுதாயத்தின் வெளிப்பாடு,சுமார் 30 ஆண்டுகளுக்கு மேல் புகழ்பெற்ற தமிழ் வார இதழில் எழுதி வருகின்றார்.
சிறந்த பொழுது போக்கு தன்மைகளை கொண்ட சுவை மிக்க கதைகளை படைத்துள்ளார்.இவர் மண்ணின் மைந்தர்களின் மாண்புகளை வெளிப்படுத்துகிறார். அவற்றுள் சிறப்பானது வெட்டுப்புலி,மற்றும் தற்போது ஆனந்த விகடனில் வெளி வரும் ஆபரேசன் நோவா .
இது ஒரு சிறந்த அறிவியலைச் சார்ந்த கற்பனைத்தொடர்-ஒரு நெடுந்தொடர். புகழ் பெற்ற அறிவியலாளரும் அறிவியல் தொடர் கதைக்கு முன்னோடியுமான எழுத்தாளர் சுஜாதாவின் சாயல் இவர் கதையில் காணமுடிகிறது.எழுதுவது இவர் குலத்தொழிலல்ல.இக்கால மாற்றம் இவரை கதை எழுத தூண்டியது.
இங்கே வீற்றிருக்கும் இருவேறு தமிழ் சமுக சான்றோர்கள் இவருக்கு வழி காட்ட வேண்டும் வாழ்த்த வேண்டும். தமிழ் சமுதாயத்திற்கு மட்டுமல்ல அனைத்து சமுக மக்களுக்கும் பயன் படும் வகையில் இவர் எழுதும் கதைகளில் அறிவியல் சார்ந்த மற்றும் பகுத்தறிவாத சிந்தனைகளை வெளிப்படுத்தவேண்டும் என இத்தருணத்தில் இவருக்கு விண்ணப்பிக்கிறேன்.இவர் மேலும் பல்லாண்டு வாழ்ந்து அதுவும் நோயில்லாமல் வாழ்ந்து பல சிறந்த பகுத்தறிவு சிந்தனை வளர்க்கும் கதைகளை வெளியிடவேண்டும் என வாழ்த்துகிறேன்.

சடங்குகள் அறிவியல் பூர்வமானதா?

               சடங்குகள் அறிவியல் பூர்வமானதா?

சடங்குகள் காட்டுமிராண்டித்தனமானது. உலகெங்கும் உள்ள மக்கள் தங்கள் வாழ்நாளை மகிழ்ச்சிகரமாக மாற்றி வாழ ஆசைப்படுபவர்கள்தான். இதற்கு மூலதனங்கள் இரண்டு மட்டுமே, ஒன்று உழைப்பு மற்றொன்று உடல்

உழைப்பு உடலைச் சார்ந்தது;

உடல் மனதைச் சார்ந்தது.

மனிதனின் உடலும் மனதும் உலகில் பெரும்பங்கு வகிக்கின்றது.

உடல் பருப்பொருள்.

மனம் அருவமானது,ஆனால் பலம் வாய்ந்தது.

இந்த உண்மையை பல மதங்கள் தங்கள் வேத நூல்கள் மூலம் விளக்கியுள்ளன.

அறிவியல் வேறு,ஆன்மீகம் வேறு. இருவேறு கோட்பாடுகளும் என்றுமே இணையாது.

அறிவியல் பருப் பொருளைக் கொண்டது. சந்தேகங்களை களையக்கூடியது.

பிரபஞ்ச கோட்பாட்டுக்கு(பேரண்ட கொள்கைக்கு) அப்பாற்பட்டது.

இங்குதான் ஆன்மீகம் நுழைகிறது.எப்பொழுதோ நுழைந்து விட்டது.மனிதனோடு- மனதோடு இழைந்து,இயங்குகிறது.இதனால் மனிதன் வாழ்வில் சடங்குகள் அதிகமாகிவிட்டது.

சூரியக்குடும்பத்தில் கோள்கள் தன்னைத்தானே சுற்றிக்கொண்டு  சூரியனைச் சுற்றுகிறது.

அறிவியல் கோட்பாட்டின் படி ஒரு பொருள்(கோள்) இயங்க ஒரு விசை தேவைப்படுகிறது.இந்த கோள்கள்(பூமி,சுக்ரன்,புதன்,செவ்வாய்,வியாழன்,சனி போன்ற கிரகம்)  இயக்கம் தான் கடவுளால் நடக்கிறது என்பது ஆன்மீக வாதிகளின் கொள்கை.

கோள்கள் நிரந்தரமானது. கோள்கள் மீது இயங்கும் உயிர்ப்பொருள் நிரந்தரமற்றது. அழியக்கூடியது.ஆனால் மீண்டும் வளரக்கூடியது. கோள்கள் இயங்குவதும்,பூமி மீது உயினங்கள் தோன்றுவதும்  அழிவதும் புரியாத புதிராக உள்ளது.

உயிரினங்களில் மனித இனம் அபூர்வமானது,அதிசயமானது. மனிதர்கள் பிறப்பதும் இறப்பதும் இயற்கை என்றாலும் அதில் மிருக குணங்களிலிருந்து வேறுபடும் பேச்சு,சிந்தனை,சிரிப்பு,அழுகை போன்ற உணர்வுகள் மனிதனாக்குகிறது.

பூமியில், மனிதன் வாழ்நாளை அர்த்தமுள்ளதாக்குகிறது.மனித மனம் வாழ்வில் அர்த்தம் தேடுகிறது.

மனிதனுக்கு ஏழுபிறவிகள்,ஏழு உலகங்கள் வாழ்க்கை உள்ளது  என காணமுடியாத உணரமுடியாத கற்பனைகளுக்கு மனதை ஈடுபடுத்தி மனம் போன போக்கில் கதைகளை புனையவிட்டனர்.

மனித பிறவியின் மூலத்தையும் உலகின் - பிறப்பின் மூலத்தையும் மனித மனம் அறிய முற்படுகிறது,பல ஆய்வுகளை மேற்கொண்டுள்ளது.பிரபஞ்சத்தில் பல உலகங்கள் உலா வரலாம் என நினைத்து  ஆய்வுகள் நடத்தப்படுகிறது.பிரம்மாண்டமான தொலைநோக்கு கருவிகள் மூலம் ஆய்வுகள் நடத்தப்படுகின்றன.

இத்தகைய ஆய்வுகள் யாவும் மெய்ப்பொருளானது.மனிதன் வாழ சடங்குகள் போதாதா? அறிவியல் எதற்கு ? என கோட்கும் இன்றளவும் படித்த பாமர மக்கள் இருக்கத்தான் செய்கின்றனர்.

பூமியில் கிடைக்கும் பொருட்களை வைத்து மனிதன் புதுமைகளை படைத்தான்.படைக்கின்றான்.மிருகங்களைப்போல் மனிதன் வாழ விரும்புவதில்லை.மிருகங்களுக்கு அறிவியல் தேவையில்லை.சிந்தனை தேவையில்லை,சுய சிந்தனை தேவையில்லை.

ஆனால் பெரும்பாலான மனிதர்கள் இப்படியே வாழ்ந்து முடிக்கின்றனர்.ஏமாற்றி பிழைக்கும் மனிதர்களுக்கு இது போன்ற மனிதர்கள் தேவை.

ஒரு மனிதன் தன்னோடு பழகும்போது எதற்காக நம்மோடு நட்புகொள்ள விரும்புகிறான் என்பதை தெரிந்துகொள்ள நம்மை தயார் படுத்திக்கொள்ள வேண்டும். அதைப்போன்ற சிந்தனைகள் நம்மில் பொரும்பாலோருக்கு இருப்பதில்லை.

அன்புப் பரிமாற்றம்

பணப்பரிமாற்றம்

பொருள்ப் பரிமாற்றம்

உணவுப் பரிமாற்றம்

உடைப்பரிமாற்றம்

இருப்பிடப் பரிமாற்றம்

கருத்துப் பரிமாற்றம்

இப்படி பல பரிமாற்றங்கள் சமுதாயத்தில் உலா வருகின்றன. பரிமாற்றங்கள் என்பது இருதரப்பினருக்கும் இணையாக, சமமாக இருக்க நம்மை தயார்ப் படுத்திக்கொள்ள வேண்டும்.

சமதர்ம-சமச்சீர் கல்வி உள்ள சமுதாயத்தில் மட்டுமே இவை சாத்தியம்.ஏற்றத்தாழ்வற்ற பகுத்தறிவாத கல்வி அமைப்பைப் பெற்றிட்ட அல்லது அளிக்க முன்வரும் ஆட்சியாளர்கள் இருந்தால் ஒழிய இத்தகைய சமுதாயம் அமையாது.

மக்கள் கல்வி அமைப்பை பெற அரசாங்கம் மட்டும் பொருப்பல்ல.ஊடகத்துறைக்கும் முக்கிய பங்கு உண்டு.மக்களின் மத்தியில் காட்டுமிராண்டித்தனமான மூட பழக்கவழக்கங்களுக்கு அறிவியல் பூர்வமான சாயம் பூசும் வேலைகளை ஊடகத்துறைகளான தொலைக்காட்சி,திரைப்படம் மற்றும் பத்திரிக்கைகள் முக்கிய இடம் வகிக்கின்றன.

மக்களின் பொதுக் குடிநீர்த் தொட்டியில் சில சமுக விரோதிகள் விடம் கலப்பதுபோல, கடைகளில் விற்கப்படும் உணவு பொருட்களில் உடலை கெடுக்கும் அதே நேரத்தில் கொள்ளை லாபம் பார்க்க நினைக்கும் மன சாட்சி அற்ற வியாபாரிகளைப்போல மூட நம்பிக்கைக்கு அறிவியல் சாயம்பூசி பணம் பார்க்கும் பத்திரிக்கைகளை நல்வழிப்படுத்த அரசாங்கம் முன்வரவேண்டும்.

அவ்வப்போது சமுதாயத்தில் நடக்கும் பேரழிவுகளுக்கும் கற்பனையான அதியசங்களுக்கும் பத்திரிக்கைகள் விளக்க செய்திகளை வெளியிடுகின்றன.

20 ஆண்டுகளுக்கு முன் (மத்திய பிரதேசம்) போபாலில் நள்ளிரவு நேரத்தில் ஒரு அமெரிக்க யூனியன் கார்பைட் நிறுவனத்திலிருந்து சைனைட் என்கிற கொடிய விடவாயு காற்றிலே பரவி, உறங்கிக்கொண்டிருந்த  சுற்று வட்டார மக்கள் ஆயிரக்கணக்கில் மாண்டுவிட்டனர்.இது ஒரு விரும்பதாகாத மாபெரும் துயர சம்பவம்.

தினம் ஒரு தகவல் தரும் ஒரு மாபெரும் தமிழ்ப் பத்திரிக்கை(தினத்தந்தி) சமீபத்தில் இத்தகவலை வெளியிட்டது. அந்த நள்ளிரவு நேரத்தில் அங்கே அருகில் உள்ள கிராமத்தில்-இரண்டு குடும்பத்தில் கணபதி ஓமம் செய்து கொண்டிருந்தார்களாம்.

(கணபதி ஓமம் என்பது ஒரு காட்டுமிராண்டித்தனமான செயல்பாடுகள். அதாவது காடுகளில் கிடைக்கும் வித விதமான விறகு கட்டைகளை கொளுத்தி அதில் அத்தியாவிசிய உணவுப்பொருளான அரிசி மற்றும் பசு நெய் ஊற்றி தீயிட்டு எரிப்பது.- ஒரு மனிதனை இன்னொரு மனிதன் ஏமாற்றும் பொய்களை நம்ப வைக்கும் செயல்கள் எல்லாமே காட்டு மிராண்டித் தனமானதுதான்)

அவர்கள் யாருக்கும் எந்த பாதிப்பும் ஏற்படவில்லையாம். மனிதன் சடங்குகள் செய்துகொள்ளட்டும். அது அவன் மனதை திருப்தி செய்யட்டும்.இதில் உணவு பொருளை வீணாக்குவதும்,தீயிட்டு கொளுத்துவதும் மன நிலை பாதிப்பின் உச்சகட்டும். இதனை எந்த அரசும் மக்களிடையே விழிப்புணர்வு ஏற்படுத்த விரும்புவதில்லை.இது மக்களை ஏமாற்றும் செயல் என்பது படித்தவர்களும் புரிந்து கொள்வதில்லை என்பது தான் வேதனையானது.

மனிதர்களை விடவாயு தாக்குவது அடிக்கடி நிகழும் சம்பவங்கள்.அதற்காக உலகெங்கும் அடிக்கடி கணபதி ஒமம்  செய்வது சாத்தியமா?

அதே தினத்தந்தி செய்திப் பத்திரிக்கையில் (09.01.14) தினம் ஒரு தகவலில் சொல்லப்பட்டது மூட நம்பிக்கையின் உச்ச கட்டம்.

உலகில் பல நாடுகள் விண்ணில் செயற்கை கோள்களை ஆய்விற்காக அனுப்புகின்றன.அந்த செயற்கை கோள்கள் யாவும் திருநள்ளாறு மேலே செல்லும் போது மூன்று நொடிப்பொழுது நிலைப்பட்டு போகுமாம். இது திருநள்ளாறு சனியனுக்கு உள்ள பராக்கிரம செயல்பாடுதான் என்பதை கட்டுரையாளர் சொல்ல வருகின்றார்.கடவுளை வணங்குபவன் கடவுளை நெருங்கிவிட்டான் என்று சொல்லப்படுகிறது எனில்,சனியனை வணங்குபவர்களை, சனி பிடித்துக்கொண்டது என்று தானே பொருள்.

தினத்தந்தி பத்திரிக்கை சி.பா. ஆதித்தனார் எனும் பகுத்தறிவாத தமிழரால் ஆரம்பிக்கப்பட்டு பல காலம் அதே கருத்தை வலியுறுத்தும் விதமாக தமிழ் மக்களிடையே உலா வந்தது. அனால் அவர் வாரிசுகள் ஆன்மீக சிந்தனையை மக்களிடையே பதிய வைக்க வேண்டும் எனும் நோக்கத்தில் மன நிலை பாதிக்கப்பட்ட –அறிவியல் அறிவே இல்லாத கட்டுரையாளரை வேலைக்கு அமர்த்தி இப்படி ஒரு பொய்த் தகவலை பரப்ப வேண்டுமா?              

ஏழாம் அறிவு இயக்ககம்

தாய்த்தந்தையர் கோயில் மற்றும் கல்வெட்டுத் திறப்பு அழைப்பிதழ்


அன்புடையீர் வணக்கம்!

நிகழும் திருவள்ளுவர் ஆண்டு2044 கார்த்திகை 20-ம் நாள் (06.12.13) எமது கண்கண்ட தெய்வங்களான தாய்க்கு40-ம் ஆண்டு நினைவு நாளும்,எமது தந்தைக்கு 20-ம் ஆண்டு நினைவு நாளும் அனுசரிக்கப்படுவதால்,நான் பிறந்த மண்ணில் நான் நிறுவிய ஏழாம் அறிவு இயக்ககம்,இயக்கத்தின் சில முக்கிய குறிக்கோள்கள் அடங்கிய கல்வெட்டு திறக்கப்பட உள்ளது. அவ்வமயம் தாங்கள் கலந்துகொண்டு நிகழ்ச்சினை சிறப்பிக்க வேண்டுகிறேன்.

கல்வெட்டுத் திறப்பாளர்,

முத்தமிழ் புலவரும்,இளையபல்லவன் கருணாகரத்தொண்டைமான்

என்கிற வரலாற்று காப்பிய நூலாசிரியருமான

திரு செம்மங்குடி துரையரசன் அவர்கள் இசைவு தந்துள்ளனர்



முன்னிலை: பேராசிரியர் திருமதி மங்கலம்துரையரசன்,MA.Bed,

புலவர் நாகலிங்கம், MABEd,உதவித் தலைமைப்பேராசிரியர்,

அரசு மேல்நிலைப்பள்ளி,பூண்டி

புலவர் சேகர்MABEd,தலைமை ஆசிரியர்,

அரசு உயர்நிலைப்பள்ளி ஏகாட்டூர்

திரு. ஆ.யுகாபதி,கும்மிடிப்பூண்டி ஒன்றிய கவுன்சிலர்

, மற்றும் கள்ளூர் கிராம மக்கள்

விழா நாள்: 06.12.13 காலை 11 மணி அளவில்.

இடம் : தெய்வத்திரு படைவீட்டு வன்னியர்,

தெய்வத்திருமதி கண்ணம்மா படைவீடு

இணையரின் நினைவு இல்லம் மற்றும்

ஏழாம் அறிவு இயக்ககம்

கள்ளூர் கிராமம்

ஆரணி வழி-கும்மிடிப்பூண்டி வட்டம்



                                                                     தங்கள் வரவை அன்புடன் எதிர் பார்க்கும்

                                                                                 புதுமுறைச்சிந்தனைச் சிற்பி

                                                                                    படைவீடு திருவேங்கடம்

                                                                                   (நிறுவனர் –ஏழாம் அறிவு இயக்கம்)

                                                                                              ராசாத்தி திருவேங்கடம்

                                                                                  திரு.வினோத் (விமானப்பொறியாளர்)

                                                                                                திருமதி சுதாவினோத் B.Com

                                                                         திரு. வசந்த் (இணைய தளப்பொறியாளர்)

கல்வெட்டில் காணலாம்,

* உலகைப்படைத்தது கடவுளாக இருக்கட்டும்

அதைப்பூட்டிவைத்து பூஜை செய்தால் உன்

பேச்சை கேட்குமா?...

* கோயிலில் உண்டியல் கூடாது…

* கடவுளைவணங்கும் உழைப்பாளிக்கும்

கடவுளுக்கும் மத இடைத்தரகர்கள் கூடாது…

இதுபோன்ற சிந்தனைகள் பல.. (visit:www.thiru-rationalism.blogspot.in)

மூட நம்பிக்கை ஒழிப்பு முடியுமா?

                     மூட நம்பிக்கை ஒழிப்பு முடியுமா?

மக்கள் சமுகத்தின் மீது அக்கறை கொண்டவர்கள்,சமுதாய மக்களின் கல்வியில்-கல்வி மேம்பாட்டில் பகுத்தறிவாத சிந்தனையில் நாட்டமுள்ளவர்கள் நாட்டின் தலைவராக வர முயற்சிக்க வேண்டும். அந்த சிந்தனை உள்ள அரசியல் தலைவர்களையே தேர்வு செய்ய வேண்டும்.

இதுபோன்ற சிந்தனை உள்ள மக்கள் வாழும் நாடுகளில் மட்டுமே புரட்சிகள் தோன்றும்.மக்களின் நம்பிக்கை என்பது மன ஒழுக்கம் சார்ந்தது.மக்கள் கூட்டத்துக்கு அல்லது பல தரப்பு மக்கள் கொண்ட  மாநிலத்துக்கு அல்லது ஒரு நாட்டுக்கு தலைவனாகும் தகுதி அடைந்தாலே பின்பு அவனுடைய வாரிசு வம்சாவழிகளை,மக்கள் புரட்சி வெடித்தாலொழிய தலைவர் பதவியில் இருந்து இரக்க அல்லது இரங்க முடியாது.

எப்பொழுதுமே, எங்குமே  அதிகார மையம் அல்லது வலிமை மிக்க தலைவனைச் சுற்றி முகத்துதி செய்பவர்ளும் அதிகார இடைத்தரகர்களும் (POWER BROAKERS) உருவாகி விடுவார்கள்.அறிவாற்றலும் சுய சிந்தனை மிக்க தலைவனால் மட்டுமே இவர்களை அடையாளம் காண்டு களையெடுக்க முடியும்.

அரசனையோ அல்லது மக்கள் தலைவனையோ கடவுளுக்கு சமமாக வைத்து ஆரதிக்கும் போக்கினை கண்டிப்புடன் களைந்தால் ஒழிய அதிகார இடைத்தரகர்களை ஒழிக்க முடியாது.கடந்த கால உலக  வரலாற்றை படிக்கும் போது இப்படியெல்லாம் அதிசயங்கள் இரண்டு நாடுகளில் நடந்துள்ளது.(ரஷ்யா மற்றும் சைனா)அந்த இரண்டு நாடுகளுமே வல்லரசுகளாகிவிட்டது.கியூபா,வட கொரியா போன்ற சிறு சிறு நாடுகளும் தன்னிறைவு அடைந்த நாடுகளாக திகழ்கின்றன.

மூட நம்பிக்கையே மக்கள் தலைவனிடம் இருந்துதான் ஆரம்ப மாகிறது.முட்டாள் மக்களைத்தானே ஒருவன் ஆள முடியும்?

மக்களை புரட்சிப்பாதைக்கு வழி நடத்திச்செல்ல உலகில் முதன்முதலில் கொள்கையை வகுத்தவர் காரல்மார்க்சு. அந்த கொள்கைக்கு வடிவம் கொடுத்தவர் ரஷ்ய புரட்சியாளர் லெனின். அவரைத்தொடர்ந்து சைனாவின் மாசே துங் மாபெரும் மக்கள் தலைவராக திகழ்ந்தார். இந்த இருவரும் மக்கள் இயக்கத்தைக்க கொண்டு உலகின் மாபெரும் வல்லரசு நாடுகளை  உருவாக்கினர். அங்கேயும் மக்கள் மூட நம்கிக்கையோடு வாழ்க்கை நடத்துகின்றனர். ஆனால் அரசங்கம் அதற்கு முக்கியத்துவம் கொடுப்பதில்லை.

இந்தியாவில் மேற்கு வங்கதில் ஒரு தலைமுறைக்கு மேல் கம்யூனிச ஆட்சி இருந்தது.மறைந்த திரு சோதி பாசு சுமார் 27 ஆண்டுகளாக அந்த மாநிலத்தின் முதல்வராக இருந்தார். காரல் மார்க்சுவின் கொள்கைகளை பின்பற்றுபவர் என பலராலும் பேசப்பட்டவர். ஆனால் அவர் மட்டுமே பகுத்தறிவாதியாக வாழ்ந்தார்.அவர் மாநிலத்து மக்களை திருத்த முயற்சிக்கவில்லை.அடிப்படை கல்வி அமைப்பை மாற்ற முயற்சிக்கவில்லை.மூட நம்பிக்கையின் மூல வித்துவான கல்கத்தா காளி கோயிலை மூட முயற்சிக்கவில்லை.
அதேபோன்று கேரளாவிலும் ஒரு தலைமுறைக்குமேல் கம்யூனிச ஆட்சி அந்த மாநிலத்தை ஆண்டது.ஆனால் அங்குதான் பேய் விரட்டு,பில்லி சூன்யம் மந்திர மயாம் போன்ற கருப்புவித்தை(black magic)தொழில் கொடிகட்டிப் பறக்கிறது.

இந்திய கம்யூனிச வாதிகள் எல்லாம் வயிற்று பிழைப்பாளிகள்.போலிப்பொதுவுடமை வாதிகள். 

மூட நம்பிக்கை ஒழிப்பு என்பது மூட நம்பிக்கை ஒழிப்பாளர் தனது வீட்டிலிருந்தே ஆரம்பிக்க வேண்டும்.

எது மூட நம்பிக்கை?வாழ்க்கைநடத்த வாழ்க்கையில் என்னென்ன நம்பிக்கைகள் அவசியம் என குடும்பத்தலைவன் மற்றும் குடும்பத்தலைவி உணர வேண்டும்.

உலகில் ஒவ்வொரு குடும்பத் தலைவனுக்கும் உறவுகள் நண்பர்கள் அமைவார்கள்.அவற்றுள்

1-நன்கு படித்த சுய சிந்தனை உள்ள குடும்பத்தலைவனும் உண்டு.

2- படிக்காத சுய சிந்தனை உள்ள தலைவனும் உண்டு.

3- படித்தும், படிக்காத, பிறர்  பேச்சைக் கேட்டு குடும்பம் நடத்தும் குடும்பத் தலைவர்களும் உண்டு.

இதில் மூன்றாவதாக குறிப்பிடப்பட்டுள்ள குடும்பங்கள் தான் உலகில் 99% சதவிகித மக்கள் வாழ்கின்றனர்.இந்தவகையான குடும்பங்களில் இருந்துதான் மக்கள் தலைவனும் உருவாகின்றனர். இந்த மாதிரியான தலைவர்கள் நாட்டை ஆளும்போது மூட நம்பிக்கைகளை மக்களிடமிருந்து ஒழிக்க முடியாது.

சமிபத்தில் மகாராட்ரத்தில் மூட நம்பிக்கை ஒழிப்பு இயக்கத்தலைவர் சுட்டுக்கொல்லப்பட்டார்.

உடனே சில மாநில அரசுகள் மூட நம்பிக்கை பழக்கங்களான பில்லி சூன்யம், மந்திரம், குட்டிச்சாத்தான் போன்று பயன்படுத்தும் அல்லது விளம்பரப்படுத்தி பாமர மக்களை மயக்கி பணம் பண்ணும் முறைகளை சட்டம் போட்டு தடுக்க ஆசைப்பட்டது.

சட்டத்தினால் மக்களின் மூடபழக்கங்களை திருத்தமுடியாது.பழக்கங்கள் என்பது தலைமுறை தலைமுறையாக கடைபிடிக்கப்படுவது. இதற்கு அரசாங்கம் என்ன செய்ய வேண்டும்?

1-அடிப்படை ஆரம்பக்கல்வியை பொருளியல் (pragmatism)கல்விக்கு மாற்ற அரசு முன் வரவேண்டும்.

2-மக்கள்  கோயிலுக்கு சென்று கடவுளை வழிப்பட்டால் துன்பங்கள் நீங்கும் எனும் பொய்ப்பிரச்சாரத்தை தடைசெய்யப்பட வேண்டும்.

3-பொது வழிப்பாட்டுத் தலங்களில் மக்கள் கூடுவதை தடைசெய்யப்படவேண்டும்.

4-முக்கியமாக கோயில்களில் காணிக்கை செலுத்தும் பழக்கமான தலைமயிரை மழிப்பது,பொங்கலிட்டு மிருக பலி செய்வது,கோயில் குளத்தில் குளிப்பது,உண்டியல் மூலம் காசு காணிக்கை யாக்குவது போன்ற எல்லாம்  மூட நம்பிக்கைகள் என மக்களிடத்தில் அரசு பிரச்சாரம் செய்யவேண்டும். .இதற்கு மாநில அரசுகள் சட்டமியற்றவேண்டும். செய்யுமா இந்த அரசு?             

          

BOOK FOR SALE

காக்கா நம்பிக்கை

                  காக்கா நம்பிக்கை

இன்றய (20.07.13) செய்தியில் பெங்களூரில் ஒரு பொறியியலாளர் (H.A.L) தன் அலுவலகத்துக்கு செல்ல ஆயத்தமானார். வீட்டிற்கு வெளியே நின்ற போது ஒரு காகம் தன் தலையில் கொத்திவிட்டு சென்றது. இது என்ன அபசமுணமாக இருக்குமோ என தன் தாய் இடம் கேட்டார். ‘அப்படியெல்லாம் ஒன்றும் ஆகாது நீ வேலைக்குப்போ’என தன் மகனை சமாதானப்படுத்தி வேலைக்கு அனுப்பினார்.

மகனும் அரை மனதோடு வேலைக்கு சென்றார்.தனக்கு ஏதாவது கெடுதல் நடக்குமோ என அஞ்சியவர்க்கு,மீண்டும் அதிர்ச்சி. அலுவலகத்திற்கு நுழையும்முன் வாயிலறுகே மீண்டும் ஒரு காகம் தன் தலையில் கொத்திச்சென்றது. தனக்கு கெடுதல் நெறுங்கிவிட்டது என பொறியியலாளரின் மனது ஆழமாக சிந்திக்க ஆரம்பித்தது. இதன் விளைவு.வீடு திரும்பிய பொறியியலாளர் அம்மாவிடம், ‘அம்மா எனக்கு கெடுதல் வரும் என தோன்றுகிறது காகம் இரண்டு முறை என் தலையில் கொத்திவிட்டதே! இது அப சகுணம் மட்டுமல்ல.இனி இவ்வுலகில் வாழ்வது கூடாது’ என வீட்டின் உள்ளே போனவர் தற்கொலை புரிந்து கொண்டுவிட்டார். 

இதற்கு யாரை நொந்துகொள்வது?

ஒரு பொறியியலாளர் உருவாவதற்கு அவர் குடும்பம் எவ்வளவு சிரமப்பட்டிருக்கும்?

அவருக்கு கல்வி அறிவைப்புகட்டிய பாடத்திட்டங்களில் உள்ள குறைபாடுதான் இதற்கு காரணம் என தெரியவில்லையா?

பொறியியல் பட்டதாரிக்கு அறிவியல் ரீதியிலான கல்வி அறிவைப்பபுகட்ட இந்த அரசு தவறிவிட்டது.

மதம்  ஏற்படுத்திய மூட நம்பிக்கை இது என தோன்றவில்லையா?

காக்காவை சனியனுக்கு ஒப்பிட்டு கதைகள் புனையப்பட்டுள்ளது தான் இதற்கு கரணம் என புரியவில்லையா? மேலும் அறிவியல் பூர்வமான விலங்கின கோட்பாடுகளை மாணவர்களுக்கு சொல்லித்தர நம் சமுதாயம் தவறிவிட்டது.காகா உட்பட எந்த பறவை இனமாகட்டும் கோழி கூட தான் முட்டைகளை பாதுகாக்கும் இடத்துக்கோ அல்லது குஞ்சுகள் இருக்கும் இடத்துக்கோ மனிதர்களோ அல்லது பிற இன விலங்குகளோ நெறுங்க விடாது.இது விலங்கினங்களின் தாய்பாசம்.அதன் விளைவுதான் காகா அந்த பொறியியலாளரின் தலையில் குத்தியது. இங்கே,இதற்கு அபசகுணம் எங்கே வந்தது?   

தர்மபுரி தமிழகம்

                           தர்மபுரி தமிழகம்

இன்றைக்கு தலை தெரிக்கும் பிரச்சனையாக சாதி கலப்பு திருமணத்தை  ஊதி பெரிதாக்கும் முயற்சியில் அரசும் மற்றும் செய்தி ஊடகங்களான  தொலைக்காட்சி மற்றும் நாளிதழ்கள் வரிந்து கட்டி வாசிக்கின்றன. பேர்தான் தமிழகம்.ஆனால் தமிழ்பேசும் இனங்களுக்கு இங்கு தனித்தன்மை அல்லது ஆளுமை இல்லை.இதனை இப்போதைய மக்களுக்கு தெளிவு படுத்தும் பொருட்டு சில தன்னார்வ அமைப்புகள் சில பொதுக் கூட்டங்களும் ஊர்வலங்கள் நடத்தி புரியவைக்க ஆசைப்படுகின்றன.

இலவசங்களுக்கு ஏங்கும் தமிழினங்களுக்கு இதுவெல்லாம் புரிய சில காலங்கள் ஆகும்.சில சமுக அமைப்புகளும் தற்போதய அரசும் பாலை மக்களுக்கு(ஆதி தமிழர்களுக்கு)கல்வி மற்றும் வேலை வாய்புகளை உருவாக்கி தருகின்றன.இதனை இன்னமும் சரியாக பயன்படுத்திக் கொள்ள அல்லது பாலை மக்களுக்கு வழிகாட்ட எந்த சமுக அமைப்புகளோ அல்லது தலித்துகளுக்கு தாங்கள் தான் பாதுகாவலர் என கூறிக்கொள்ளும் அரசியல் கட்சிகளோ முன்வரவில்லை என்பது தான் உண்மை.

இதற்கு முந்தய அரசும் சரி அல்லது இப்போதைய அரசும் சரி தொடர்ந்து செய்யும் தவறுகளை இங்கே சுட்டிக் காட்ட விரும்புகிறோம்.

1-முதலில் அரசு தன் குழந்தைகளுக்கு அளிக்கும் கல்வி பாடத்திட்டத்தை அனைவருக்கும் உண்டான கட்டாய சமச்சீர் கல்வித் திட்டத்தை அமல் படுத்த அரசு முன் வரவேண்டும்.

2-தரமான மற்றும் பொது அறிவு,ஆழ்ந்த கணக்கு திறன்,மற்றும்  அறிவியல் தேர்ச்சி பெற்ற ஆசிரியர்களை மட்டுமே பணியிலமர்த்த வேண்டும்.

3-கட்டாய சமச்சீர் கல்வி என்பது +2 வரையில் இலவசமாகவே அனைவருக்கும் (சாதி,மதம்,பணக்காரன்,ஏழை போன்ற வேறுபாடின்றி) அளிக்க அரசு முன்வரவேண்டும்.

4-இட ஒதுக்கீடு தேவை, (இது சாதிவாரியாக –இதுதான் பொருளாதார மற்றும் கல்வி போன்ற அம்சங்களை - தீர் மானிக்கும் கருவியாக உள்ளது.)அதை மேல் படிப்புக்கும் வேலை வாய்ப்புக்கும் பயன் படுத்திக் கொள்ளலாம்.சமச்சீர் சமுதாயம் அமைக்க இதுவே உதவும்.

5- மக்களை முன்னேற்றும் நோக்கம் யாருக்கு அமையும் என்றால் தன் மொழி சார்ந்த அல்லது இனம் சார்ந்த தலைவர்களால் மட்டுமே களங்கம் இல்லா ஆட்சியைத் தர முடியும்.அதைப்போன்றொரு தலைவர்களை தேர்வு செய்வதில் தமினங்களுக்கு இன்றும் தடுமாற்றமே.காரணம் தமிழ் சமுதாயம் படிப்பறிவும் சுய சிந்தனையும் இழந்து பல நூற்றாண்டு களாகிவிட்டது.

இதனை சரியாக உணர்ந்து கொண்ட தமிழக திராவிடத் தலைவர்கள்(தெலுங்கு,மலையாளம் மற்றும் கன்னடத்தை தாய் மொழியாக கொண்டவர்கள்)இலவசங்களை காட்டி தமிழ் பேசும் இனங்களை தமிழகத்தின் அகதிகள் நிலைக்கு தள்ளிவிட்டனர். இன்றும் இந்நிலை நீடிப்பதுதான் வேதனை அளிக்கிறது. போலி தேசிய நீரோட்டமே தமிழகத்தில் உலா வருகிறது.

6- தமிழ் இன வளர்ச்சியில் அக்கறை உள்ள தலைவர்கள் என்ன செய்ய வேண்டும்? குழந்தைகளின் ஆரம்ப கல்வியில் கவனம் செலுத்த வேண்டும்.20குழந்தைகளுக்கு ஒரு ஆசிரியை,சுத்தமான கழிப்பிடவசதி,சத்தான உணவு மற்றும் மருத்துவ வசதி என அனைத்து கிராமங்களிலும் செயல்படுத்தவேண்டும்.

7-6-ம் வகுப்பிலிருந்து +2 வரையில் மாணவர்களுக்கு,நமது சமுக அமைப்பில் எது தவறு? எது அறவழி? என விளக்கும் அல்லது விளங்கும் வகையில் பாடத்திட்டங்களை மாற்றி யமைக்க வேண்டும்.குறிப்பாக சட்டம் பற்றியும் சட்ட மீறல் பற்றியும் அதன் விளைவுகளை மாணவர்களுக்கு எடுத்துரைக்கும் விதத்தில் ஆசிரியர்களை தேர்வு செய்ய வேண்டும்.

இளவயதில் எது தவறு? எது சரி ? என புரியமல் மாணவர்களை வளர்த்து பின் 100 மாணவர்களில் ஒருவரை பட்டப்படிப்பிற்கு பின் சட்டம் பற்றி தெரிந்துகொள்ள வைக்கும் பாடத்திட்டத்தை உடனடியாக நிறுத்த வேண்டும்.சட்டம் படித்து பாமரனிடம் பணம் பிடுங்கும் தொழிலான வழக்குரைஞர் தொழிலை ஒழிக்க வேண்டும்.

இதுபோன்ற ஒரு பாடத்திட்டமே சமுகத்தில் குற்றவாளிகள் உருவாக தடுக்க உதவும்.

8- 8-ம் வகுப்பிலிருந்து +2 வரை உள்ள மாணவர்களுக்கு விரசமில்லா பாலியல் கல்வி அல்லது வளர்ச்சி அடைந்த ஆண் பெண் இன உருப்புக்களின் செயல்பாடுகளால்  ஏற்படும் முறையற்ற அல்லது பதின்ம வயதில் ஏற்படும் மோகங்களை களைய தகுந்த ஆசிரியர்களை கொண்டு தகுந்த பயிற்சி அளிக்க அரசு முன்வரவேண்டும்.இதன் வரம்பு மீறல்களுக்கு என்ன தண்டனை என மாணவர்களுக்கு எடுத்துரைக்கும் விதத்தில் பாடத்திட்டத்தை மாற்றியமைக்க வேண்டும்.

9-தமிழகம் மட்டுமல்ல இந்தியா முழுவதும் அரசியல் வாதிகளில் சாதியத்தலைவர்கள் உருவாகிவிட்டனர். பாதிக்கப்பட்ட,ஒடுக்கப்பட்ட மற்றும் பின்தங்கிய,மிகவும் பின்தங்கிய மற்றும் முன்னேறிய சாதியத்தலைவர்கள் உள்ளனர்.குறிப்பாக முன்னேறிய சாதியத்தலைவர்கள் சாதியைப்பற்றி பேசக்கூடாது இதனால் பிரச்சினைகள் வரும் என அவ்வப்போது மேடைகளில் பேசுவார்கள் இதன் பொருள் என்ன வெனில் பிற தாழ்த்தப்பட்ட அல்லது பாதிக்கப்பட்ட இன மக்கள் விழிப்புணர்வு அடைந்து இதனால் தங்கள் இன பிழைப்புக்கே பாதகம் ஏற்பட்டுவிடும் என்கிற அச்சம்தான்.இதனை சரியாக புரிந்து கொள்ள முடியாத பாதிக்கப்பட்ட மக்கள் அத்தகையத் தலைவர்களின் பேச்சிற்கே தாளம் போடுவர்.

10-சாதியத் தலைவர்கள் தங்கள் இன பிள்ளைகளை படிக்கவேண்டிய காலத்தில் படிக்கவேண்டும்,வேலைத்தேடி பெற்றவர்களுக்கு உருதுணையாக இருக்கவேண்டும் பின் பெற்றவர்களின் சம்மதத்தோடு திருமணம் புரியவேண்டும்(காதலோ அல்லது பெற்றவர்களால் ஏற்பாடு செய்யப்பட்டதோ எதுவாகிலும்) பெத்தவர்கள் இணக்கம் மிக முக்கியம் என ஓட்டுக்கேட்கும் மேடைகளில் இதனையும் அறிவிக்கவேண்டும்.

எதிர்காலத்தில் தர்மபுரி போன்ற கலவரங்களை தடுக்க இந்த யோசனைகள் உருதுணையாக இருக்கும் 

                   

கடவுள் மனிதர்களை சாகடிக்கிறர்,பூசாரியால் கடவுளுக்கு பூசை செய்ய முடியவில்லை

                 கடவுள் மனிதர்களை சாகடிக்கிறார்

        பூசாரியால் கடவுளுக்கு பூசை செய்ய முடியவில்லை

கடந்த ஒருவாரமாக(சூன் -16முதல்)இமயமலைப்பகுதியில்(உத்தரகாண்ட்) தொடர்மழை பெய்கிறது.பெய்கிறது என்பதை விட வானம் இடிந்து விழுந்துவிட்டது என்றே கூறலாம்.அப்படி ஒரு மழை,வெள்ளப்பெருக்கு.ஆற்றங்கரை ஓரம் கட்டப்பட்ட பல அடுக்கு தங்கும் விடுதிகள் (சுமார் 90 ?) வெள்ளம் அடித்துச் சென்றுவிட்டன.அதில் தங்கியவர்கள் கதி என்ன?

இந்த இயற்கைச் சீற்றம் ஆண்டுதோறும் நடப்பதுதான்.30அல்லது 40 ஆண்டுகளுக்கு ஒருமுறை (பொதுவாக சூன் மாதங்களில்)கட்டுக்கடங்காத காட்டு வெள்ளம் பெருக்கெடுத்து ஓடும். பெரும்பாலும் வான் மழையால் இந்த வெள்ளபெருக்கு என சிலர் நினைப்பது தவறு.சூன் மாதங்களில் பூமியின் வட கோளத்தை சூரியனின் வெப்பக்கதிர்கள் தாக்குவதன் விளைவு இமயமலையின் பனி உருகி வெள்ளக்காடாக பெருக்கெடுக்கும்.இது ஆண்டுதோறும் நடக்கும் இயற்கை நிகழ்ச்சி.

சுற்றுலாவாசிகள்(இவர்களை பக்தர்கள் என்றும் அழைக்கின்றனர்) ஆண்டுதோறும் தெற்கிலிருந்து வடக்கு நோக்கிபோகும் நிகழ்சிகள் காலம்காலமாக நடக்கும் மனித சஞ்சலம்.அதேபோல் வடக்கிலிருந்து  தெற்கே கன்யாகுமரி வரை மனித சஞ்சலம் நடக்கும்.புலம் பெயர்வது மனித இயல்பு.பிரம்மாண்டமான நீர் நிலைகளையும் உயர்ந்த மலைகளையும் பள்ளத்தாக்குகளையும் மனிதர்கள் கண்டு வியப்பது ஒன்றும் வியப்புக்குரிய நிகழ்ச்சிகள் இல்லை.

மழை வெள்ளம் இவற்றினால் ஆண்டுதோறும் நிகழும் சேதங்கள் பற்றி உத்தரகாண்ட் மாநில அரசு கண்டு கொள்ளவில்லை.அங்கே கட்டப்படும் கட்டடங்கள் மழை வெள்ளம் தாக்குபிடிக்குமா ? என ஆய்வு செய்து கட்டடங்கள் கட்ட அனுமதி வழங்கியிருந்தால் இவ்வளவு பெரிய மனித இழப்பு ஏற்பட்டிருக்காது.இயற்கை சூழலையும் புதிய இடங்களையும் காணும் ஆர்வத்தில் மக்கள் கூடுவது இயற்கையே. ஆனால் அத்தனை நபர்களையும் பாதுகாப்பான இடங்களில் தங்கவைக்க வேண்டியது அரசின் கடமையல்லவா? ஆற்றங்கரையோரம் கட்டப்பட்ட 3அல்லது 4 அடுக்குமாடிகள் கொண்ட சுமார் 90 விடுதிகள் அடித்துச்செல்லப்பட்டன என செய்திகள் தெரிவிக்கின்றன.இதில் தங்கிருந்த மக்களின் கதி என்ன? என தெரியவில்லை.

இவ்வளவு களேபரத்திலும் கேதார்நாத் கோயிலுக்கு ஒன்றும் ஆகவில்லையாம்!.என்னே கடவுளின் மகிமை என பத்திரிக்கைகள் மேலும் மக்களை சிந்திக்க வைக்காமல் வியப்பு செய்திகளை வெளியிடுகின்றன. மக்களை காப்பாற்ற வேண்டிய கடவுளுக்கு மிகவும் பாதுகாப்பான வீட்டை(கோயிலை)கட்டிக்கொடுத்த மனிதர்கள் தங்களுக்கு பாதுகாப்பான வீடுகளை கட்டிக்கொள்ள தகுதி அற்ற மனிதர்களாக வாழ்கின்றோம்.

கேதார்நாத் கோயில் பூசாரி வெள்ளப் பெருக்கிலிருந்து தப்பி பத்திரிக்கையாளர்களை சந்திக்கிறார்(23.06.013 தேதியிட்ட தினத்தந்தி செய்தி)அப்பொழுது அந்த பூசாரி, ‘இப்பொழுது என் கவலையெல்லாம் என்ன தெரியுமா? கோவிலில் உள்ள என் சிவ பெருமானை யார் கவனித்துக் கொள்வார்கள்?அங்கே யார் தீபம் ஏற்றுவார்கள்?யார் பூஜை செய்வார்கள்? இதுதான் என் மனதை இப்போது வாட்டிக்கொண்டிருக்கிறது’

இவருடைய(இந்த பூசாரி) வாழ்வாதாரமே அந்த கல்லுதானே!இவரைமட்டும் இவருடைய வயிற்றை கழுவ உதவும் கல், அங்கே காணவரும் பக்தர்களை காப்பாற்ற முடியாத கையாலாகத கல் என்றுதானே கூறவேண்டும்?

இன்றும்(26.06.13) மழை வெள்ளம் விட்டபாடில்லை .இன்னும் ஆயிரக்கணக்கான பிணங்களும் பிணங்காளாகப்போகும் மனிதர்களும் தப்பிக்க வழித்தெரியாது தவிக்கின்றனர். இதற்குள் தப்பிவந்த பூசாரி,கேதார்நாத் சிவனுக்கு பூசை,தூபாரதனை தொடர்கிறது பக்தர்கள் எல்லாம் மீண்டும் வாருங்கள் என செய்தியாக(தினத்தந்தி-26.06.13)தெரிவிக்கிறார்.ஆமா அவர் வயிறு நிரம்ப வேண்டாமா?                 

  

44-இடிதா(ங்)க்கிய இறைவன்

43-சுய சிந்தனைகள் தொடரட்டும்

                    43-    சுய சிந்தனைகள் தொடரட்டும்

1-ஏழாம் அறிவு இயக்கம் கடவுள் மறுப்பு இயக்கமல்ல,பகுத்தறிவாத சுயசிந்தனை இயக்கம்

2-ஏழாம் அறிவு இயக்கம் பிராமணர்களுக்கு எதிரானது அல்ல

3-அறிவுரை பெற பிராமணர்களை தேடிச்செல்லும் உழைக்கும் மக்களுக்கு எதிரானது, இந்த ஏழாம் அறிவு இயக்கம்

4-பார்ப்பனர்களையும் பாம்பையும் பார்த்தால் பாம்பை அடிக்காதே பார்ப்பனர்களை அடி என்பார் பெரியார்,ஆனால் பார்ப்பனர்கள் பேசும் மொழியில்(சமஸ்கிருதம்)தெய்வீகம் உள்ளது என்றும் அந்த மொழிக் கொண்டு உழைக்கும் மக்களின்(தமிழர்கள்)’திருமணம் மற்றும் கர்ம காரியங்களில் சமஸ்கிருதத்தில் மந்திரங்கள் ஓதினால் வெய்யில் உழைப்பாளிகளின் வாழ்வில் அற்புதங்கள் நிகழும்’ என நினைத்து சேர்த்த செல்வங்களை யெல்லாம் செலவழித்து,மன அழுத்த நோயாளிகளாக வாழும் மக்களுக்கு எதிரானது இந்த ஏழாம் அறிவு இயக்கம்.

5-கோயிலில் உண்டியல் வைப்பதை எதிர்க்கிறது இந்த ஏழாம் அறிவு இயக்கம். லஞ்சமற்ற சமுதாயம் உருவாக இது வழிவகுக்கும். மக்களின் உபரியான பணங்கள் அரசுக்கு வர வேண்டுமானால் அத்தகைய உண்டியலை வட்டாட்சியர் அலுவலகங்களில் வைக்கலாமே!

6-கோயில்களில் இருக்கும் சிலைகளுக்கு விலை உயர்ந்த ஆபரணங்களை அணிவித்து அவைகளை பூட்டி வைத்து காவல் காக்கும் அரசுக்கு எதிரானது இந்த ஏழாம் அறிவு இயக்கம்.

7-நாகரிகம் வளர்ச்சியடைந்த இந்த காலத்திலும் பொது வழிபாட்டுத்தலங்கள் ஏற்படுத்தி பல மதங்கள் மோதிக்கொள்ளும் போக்குக்கு எதிரானது இந்த ஏழாம் அறிவு இயக்கும்.

8-உழைக்கும் தொழிலாளி வாழ வேண்டிய வயதில் விரதமேற்கொண்டு கோயிலுக்கு சென்று மொட்டை போடும் நாள், 'அவனுக்கு கெட்ட நாள்'என்கிறார் படைவீட்டார்

9-‘கடவுளை வணங்குபவன் காட்டுமிராண்டி’ என்கிறார் பெரியார். ‘கடவுளை வணங்குபவன் மன அழுத்த நோய்க்கு ஆட்பட்டு துன்ப வாழ்க்கை நடத்துபவன்’ என்கிறார் படைவீட்டார்.
10-வெய்யில் உழைப்பாளிக்கும் கடவுளுக்கும் இடையில் இடைத்தரகர்கள்(அர்ச்சகர்,பாதிரியார், இமாம், பூசாரி போன்றோர்) ஏன்? உழைப்பாளியை மதிக்காத கடவுள் நமக்கு தேவை இல்லை.      

42-ஆன்மா-ஆத்மா

41-உயிரினத்தோற்றம்

       41-கனிமம்  + கரிமம் +ஈரம் +காற்று>;உயிரினம்

       (உலோகம்+அலோகம்+நீர்மம் +காற்று>; உயிரினம்)

                     

        (INORGQNIC + ORGANIC + WET+AIR>; biological)

        ( METALIC+NQN METALIC+WATER+AIR>;LIVING CELLS)

குரங்கிலிருந்து மனிதன் தோன்றியிருக்கலாம் என அறிவியல் பூர்வமாக கணக்கிட்டு(scientific formulae) அறிவியலாளர்கள் நம்  பொருளியல்(pragmatism) வாதத்திற்கு வலு சேர்க்கின்றனர். இந்த கொள்கை உருவாகி 300 ஆண்டுகளுக்கு மேல் ஆகிறது இதுவரை ஒரு குரங்கும் மனிதனாக மாறவில்லை.மாறும் தன்மையும் தெரியவில்லை. பரிணாம வளர்ச்சி என்னும் வார்த்தைக்கு அர்த்தமே இதுவரை விளங்கவில்லை.

ஈரமுள்ள மண்ணில் உயிரினங்கள் தோன்றுகின்றன.அவைகள் தாவரங்களாகவும்,விலங்குகளாகவும்(மனிதன் உட்பட)வளர்ந்து பின் மண்ணில் மறைகின்றன.இறந்துபோன உடலில் இருந்து பல புழு ,பூச்சிகள் கள் உருவாவதை நாம் கண்கூடாக பார்த்துள்ளோம். இறந்துபோன விலங்கின் உடலிலிருந்து விலங்குகள் உருவாவதில்லை.ஆனால் இறந்துபோன தாவரத்திலிருந்து அதன் இனத்தாவரம் உருவாகிறது.

ஒரு செல் உயிரினங்களான அமிபா,பாக்டிரியா மற்றும் வைரஸ் போன்ற  இவைகள்  அதன் உருவங்களை மாற்றிக்கொள்ள வில்லை.ஆனால் வடிவங்களை மாற்றிக்கொள்கின்றன.மற்ற உயிரினத்தின் வடிவங்களை மாற்றுகின்றன.

பல செல்களின் கூட்டு இயக்கம்தான் விலங்கினம்.

ஒரு உயிரின செல்லை பகுத்து பார்த்தால் அதில் கனிமங்கள்,கரிமங்களின்(inorganic,organic salts) உப்புக்கள் உள்ளன. கனிமங்களின் உப்பு என்பது பொட்டாசியம்,மங்கனீசு மற்றும் கால்சியத்தின் கலவைகள் உள்ளன.

ஈரமண்ணிலிருந்து மண்புழுக்கள் உருவாகின்றன. மனிதன் தலையிலிருந்து பேன் உருவாகிறது. மிருகங்கள் உடலிலிருந்து உண்ணி போன்ற உயிரினங்கள் உருவாகின்றன. ஒரு உயிரினத்திலிருந்து இன்னொரு உயிரினம் ஒட்டுண்ணிகளாக (உருவாகின்றன)வளர்கின்றன.

உலகில் அடிப்படை உயிரினம் தோன்ற காரணம் ஈரமண் தான்.சரி இந்த ஈரமண்ணில் அப்படி என்னதான் உள்ளது?

கரி உள்ளது(C¹²,C¹⁴-CARBON ATOMS & AVTIVATED CARBON ATOMS) நாம் உண்ணும் உணவில் நீரும் கார்போ ஹைட்ரேட்டும் நிறைந்து காணப்படுகிறது. நீரில்(H₂O)-ம்,கார்போஹைட்ரேட்டில்-(C_-H-O) கரியும் ஹைட்ரசனும்.ஆக்சிசனும் மூலக்கூறுகளாக (molecular bond) அமைந்துள்ளன.

மண்ணில் கிடக்கும் கனிம மற்றும் கரிம அணுக்களின் கூட்டோடு காற்றில் இருக்கும் ஹைட்ரசனோடு அணு இ(பி)ணைப்பு( ATOMIC FUISION) ஏற்பட்டு தொடர் நிகழ்ச்சியின் விளைவாக உயிரினம் தோன்றுகிறது.

                                         

ஒரு உயிரின செல்லில் மையக்கரு (nucleic acid) உள்ளது. அதைச்சுற்றிலும் உயிர்மை ஆற்றல்பெற்ற திரவங்கள் உள்ளன.உயிரின செல்லைச்சுற்றிலும் நீழ்ச்சியடையக்கூடிய மெல்லிய பாதுகாப்பு சுவர் உள்ளது    

                                

எப்படி ஒரு அணுவின் மையப்பகுதியில் கருவும் (நியூட்ரான்+புரட்டான்) அதைச்சுற்றிலும் நிலைபெறா தன்மையுடைய எலக்ட்ரான்கள்(electrons) உள்ளதோ அதைப்போலவே உயிரினச்செல்லிலும் அமைந்துள்ளது.

முதலில் தோன்றிய உலகில், அதாவது எரிமலைக் குழம்பில் கனிம,கரிம கூட்டில் நீரோடு இணைந்து வேதியல் மாற்றத்தால்  ஒரு செல் உயிரினம் தோன்றியது.(வேதியல் மாற்றம் என்பது நிலையானது. உலகம் சுழலும் வரை –உயிர்கள் இயங்கும் வரை ஒரு தொடர் நிகழ்ச்சியே வேதியல் மாற்றம்)  

உலகில் அணுச் சிதறல் நிகழ்ச்சி (அதாவது ஒரு அணுவின் எலக்ட்ரான்கள் விடுபட்டு இன்னொரு அணுவில் இணையும் நிகழ்ச்சி) அன்றடம் நடக்கும்.இதனால் அணுத் தொடர்   (atomic reaction) வினை நிகழ்ந்து கொண்டே இருக்கும். உலகத்திலுள்ள உயிரினங்கள்  தொடர்ந்து இயங்குவதற்கு இது தான் காரணம்.

அணுவும் நிலைத்தன்மை அற்றது. உயிரினச் செல்லும் நிலைத்தன்மை அற்றது. உயிரினச் சலனங்களுக்கு இதுவே காரணம்.

ஒரு செல் உயிரினங்களான அமிபா,பாக்ட்ரியா மற்றும் வைரசுகளின் கூட்டுச் செல்கள்தான்  உயிரினங்களான தாவரங்கள்,விலங்குகள்,மற்றும் மனிதர்களை தாக்கி சேதங்களையும் உருவ மாற்றங்களையும்(damage and de-morphing)  ஏற்படுத்துகின்றன.

இந்த உருமாற்றங்களுக்கு காரணமான மூலக்கூறு(god particle) எது என ஆராய்ந்ததில் இன்றய(05.07.2012) செய்தி மற்றும் ஊடகங்கள் வாயிலாக படித்திருப்பீர்கள். ஐரோப்ய கூட்டமைப்பு நாடுகள் ஒன்று சேர்ந்து அணுக்கரு ஆராய்ச்சி மையம்(CERN-CENTRE FOR NUCLEAR RESEARCH) ஒன்றை உருவாக்கி பல ஆண்டுகள் ஆராய்ச்சிக்குப் பிறகு நேற்றுதான் அந்த ரகசியத்தை கண்டறிந்ததாக செய்தி வெளியிடப்பட்டது.

கடவுளைக் கண்டேன் என இந்திய ஆன்மீக வாதிகள் சொல்வதற்கும் கடவுள் துகள் கண்டுபிடிப்பதற்கும் பெரிய வேறுபாடுகள் இருப்பதாக தெரியவில்லை. அப்படியானால் இது மன நிலை பாதிக்கப்பட்டவர்கள் செயலாகத் தோன்றவில்லையா?  

கடவுள் துகளின் செயல்பாடுகள் என்ன? அதை கட்டுபடுத்துவது எப்படி? யாருக்கு கட்டுப்பட்டு இயங்குகின்றது? உயிரினங்களின் வாழ்நாளை நிர்னயிப்பது யார்? பெரும்பாலும் உயிரினங்கள் தங்கள் வாழ்நாளை(தாவரம்,விலங்கினம் மற்றும் மனிதம்)  முழுமையாக முடிக்காமல் இடையில் மரணமடைவது ஏன்? என்பதற்கு விடை கிடைக்கும்

மனிதன் காலங்காலமாக சிந்தித்து  கட்டுக்கதைகளையும் புராணங்களையும் எழுதிவைத்துவிட்டு போனதை இன்றும் அதில் அறிவியல் உண்மைகள் இருக்காதா ? என  ஆராய்ந்துகொண்டிருப்பதின் விளைவே இந்த கடவுள் துகள் கோட்பாடு.

கட்டுக்கதைகளுக்கும் உண்மைக்குப் புறம்பான  செய்திகளை மற்றவர்களுக்கு பறைசாற்றுவதில் கைதேர்ந்த இந்திய அறிவியலாளரில் ஒருவரான சத்யேந்நிர போஸ்-ன்(1925) கொள்கையும் அய்ரோப்ய அறிவியலாளர்(இங்கிலாந்து) பீட்டர் ஹிக்சு(வயது84) கொள்கைகளை இணைத்து (HIGGS +BOSE=HIGGS BOSANS THEORY) வெளியிட்டனர். இதற்குபேர்தான் கடவுள் துகள் கண்டுபிடிப்பு என பெயரிட்டனர்.

பூமிக்கு அடியில் 300 அடி ஆழத்தில் 27 கி.மி தூரத்திற்கு நீள்வட்ட சோதனை கூடத்தை கட்டி அதில் அணுக்களுக்கு இடையே பேரிடியை(BIG BANG) ஏற்படுத்தி ஒர் எடையற்ற (mass) பருமனை (புகைபோன்ற)உருவாக்கி அதற்கு எடையை உருவாக்கும் சக்தி எது என கண்டறிந்து அதற்கு கடவுள் துகள்(god particle) என பெயரிட்டனர். அவ்வளவே.

இந்த கண்டுபிடிப்பால் மனிதன் சாதிக்கப்போவது என்ன? எதுவும் இருக்காது.

அந்த சக்திவாயந்த துகளை மனிதன் தன் பாக்கெட்டில் வைத்துக் கொண்டு  விளையாட முடியுமா என்ன?

மனிதன் நினைப்பது என்ன?

கடவுள் ஒருவர் உருவமாக இருப்பதாகவே கற்பனையாக வைத்துக் கொள்வோம்.அந்த உருவத்திற்கு மனிதனுக்கு இருப்பது போல் ஆசைகள் எல்லாம் இருக்கக்கூடாது.அதாவது கடவுள் தனக்கென்று மனைவி மகன் அல்லது மகள் உறவு என சொல்லிக் கொள்ள யாருமே இருக்கக்கூடாது. அசையும் அல்லது அசையா சொத்து இருக்க கூடாது.

மனிதன் தான் நினைப்பதை எல்லாம் நொடிப்பொழுதில் கிடைக்க கடவுள் ஏற்பாடு செய்ய வேண்டும்.

1-வாலிபம் நிலைக்க வேண்டும்

2-தான் நினைக்கும் பெண்ணோடு கூடவேண்டும்

3-இவனுக்கு பிறக்கும் பிள்ளைகளும் இவன் பேச்சை மட்டுமே கேட்க வேண்டும்

4-நோய் வரக்கூடாது

5-இவன் வேண்டும்போது இடியில்லா மழை பொழிய வேண்டும்.

6-இவன் வேண்டும்போது மழை நிற்கவேண்டும்

7-மழையால் வெள்ள பாதிப்பு வரக்கூடாது

8-சுனாமி வரக்கூடாது

9-பூகம்பம் வரக்கூடாது.

10-மற்ற விலங்கு முதற்கொண்டு மனிதர்கள் அனைவரும் இவன் சொல்வதை கேட்க வேண்டும், கேட்டு அதன்படி நடக்கவேண்டும். மரணமே நிகழக்கூடாது.மற்றவனுக்கு மரணம் வந்தால்கூட இவனுக்கு மட்டும் மரணமே நிகழக்கூடாது.மொத்தத்தில் இவனே கடவுளாக மாறவேண்டும்.

அதுசரி மனிதன்மட்டுமே உலகை ஆளவேண்டுமா? மனிதனுக்கு இணை பெண் அல்லவா? பெண் நினைப்பது என்ன?

ஆண்கள் மட்டும் தான் வித விதமான பெண்களை(தங்களை) அனுபவிக்க வேண்டுமா?

பெண்களுக்கும் ஆண்களைபோல் ஆசை உண்டே! ,வெளியில் சொல்ல முடியாத ஆசை . அது என்ன?

1-ஆண்களை அடக்கியாள வேண்டும்

2-தான் நினைக்கும் ஆணோடு இணைய வேண்டும்

3-பெண்மை எப்பொழுதும்(இளமை) நிலைத்திருக்க வேண்டும்

4-உலகில் இவளே பேரழகி என எல்லோரும் பாராட்டவேண்டும்.

5-கணவன், மாமனார்,மாமியார்,நாத்தனார் மகன் மகள் உள்பட அனைத்து உறவுகளும் இவள் பேச்சை கேட்க வேண்டும்.அதன்படி நடக்கவேண்டும்.

6-நோய் இல்லா வாழ்க்கை வேண்டும்.

7-மரணமே நிகழக்கூடாது.      

இதெல்லாம் நடக்க கூடிய காரியமா?

இப்படி சிந்தித்த மனிதன் அவனே கடவுள் அவதாரமாக ஏன் மாறக்கூடாது? பெண் இனத்தை தலைதூக்க விடக்கூடாது.அப்படித்தான் சாமியார்களும்,மத குருமார்களும், பாதர்,பிஷப்,போப் மற்றும் இமாம்,காஜி போன்ற மத இடைத்தரகர்கள் (கடவுளுக்கும் பாமர மனிதர்களுக்கும்-கடவுள் இருக்கின்றாராம் ஆனால் பாமர மனிதனிடம் கடவுள்  பேசமாட்டாராம்,பேசக்கூடாதாம் ,அதானால்தான் இந்த இடைத்தரகு ஏற்பாடு) என உலகம் முழுக்க  உருவாக்கினர்.. 

இவர்களை மனிதர்களின் அய்யோக்கியர்கள் என அழைத்தால் என்ன தவறு?அதாவது அடுத்தவர் உழைப்பை சுரண்டி வாழ வாழ்வாதாரங்களை அமைத்துக் கொண்டவர்களை அப்படித்தானே அழைக்க முடியும்?

பிரபஞ்ச அமைப்பு அதாவது ஆகாயத்தில் அமைந்துள்ள சூரிய குடும்பம்(சூரிய குடும்பம் என்பது சூரியனை சுற்றி இயங்கும் கோள்கள் பூமியில் உயிரினங்கள் வாழ உதவுகின்றன) எப்படி இயங்குகின்றன என பல ஆயிரக்கணக்கான வருடங்களாக மனிதன் தன் அறிவாற்றலால் கற்பனையாகவும் தொலை நோக்கு கருவி கொண்டு சில நிஜங்களையும் (12 கோள்களும் அவைகளைச் சுற்றி துணைக்கோள்களும் இணைந்து சூரியனைச் சுற்றிவரும் கோட்பாடு) விளக்கும் ஏராளமான நூல்கள் எழுதப்பட்டன. கற்பனையில் எழுதப்பட்டது பஞ்சாங்கம்(Almanac) தொலை நோக்கு கருவி கொண்டு எழுதப்பட்ட நூல்கள் வான் அறிவியல் (Astranomy)எனப்படுகின்றன. பல பிரபஞ்சங்கள் சேர்ந்தது தான் மகா பிரபஞ்சம் (பேரண்டம்)

பிரபஞ்ச இயக்கத்தின் அடிப்படையே அணுத் துகள்(Atomic particles) கட்டமைப்பில் தான் இயங்குகின்றது. எனவே இந்த அணுத்துகளுக்கு எடை ஏற்றுவது எது என தற்பொழுது கண்டுபிடிக்கப்பட்டுள்ளது.இந்த எடை ஏற்றம் எப்படி நிகழ்கிறது என நாம் தெரிந்துகொள்ள அதைப்பற்றிய கொள்கை வடிவ நூல்கள் வெளிவந்த பிறகே நாம் அறிய முடியும்.

தானாக உயிரினங்கள் எப்படி உருவாகின்றது என்பதை விளக்குவது தான் இந்த கட்டுரையின் நோக்கம்.உலகம் முழுக்க பல தரப்பட்ட கனிமங்களும்(சுமார் 104 கனிமங்கள் ) அதனைச்சுற்றிலும் பல தரப்பட்ட கரிமங்களும் (கார்பன்,சுண்ணாம்பு,மங்கனீசு,பொட்டாசியம்,பாஸ்பரஸ் மற்றும் சிலிகா போன்ற) அதனதன் தன்மைகளுக்கு ஏற்ப மண்ணில் ஈரத்துடனும் நீருடனும் இணைந்து பல வேதியல் மாற்றங்களுக்குப்பின் பல  தரப்பட்ட பல்வேறு வடிவங்காக உயிரினங்கள் தோன்றுகின்றன.உயினங்களின் உச்சகட்ட உரு மாற்றமே தற்பொழுதுள்ள மனிதர்கள்.

இந்நிலையில் மனிதர்களை நல்வழிப்படுத்த மனிதனே உருவாக்கிய கொள்கைதான் கடவுள் வழிபாட்டுக்கொள்கை. இந்த கொள்கை வழிப்பாட்டில் சொர்க்கம்,நரகம்,முற்பிறவி மறுபிறவி,பாவம் ,புண்ணியம் இவைகளை அடைய  சடங்குகள் செய்தாலோ அல்லது செய்யாமல் விட்டாலோ அவரவர் எண்ணங்களுக்கு ஏற்றாற் போல் அமையட்டும்.

ஆனால் இந்த சடங்குகளால் அல்லது உடலை வருத்தும் விரத வழி பாட்டால்(கடவுள் வழிபாட்டால்) மனிதனிடம்(உழைப்பாளியிடம்) மனிதனே(உழைக்காமல்) பணம் பண்ணும் செயல்களை நாம் எப்படி நியாயப்படுத்த முடியும்?